كيف تكون محاسب ناجح

قربت تخلص أو خلصت وحاسس أنك مش عارف المدين من الدائن ... المحاسبة من الاقتصاد والدنيا متقفلة في وشك او زهقت من قعدة البيت وعاوز تشتغل في مجالك ومش عارف تروح فين وتبدأ منين .

هنتفق على شوية حاجات لازم تعملها علشان تكون محاسب ناجح

المحاسبة

هي اساس الشغل: المحاسبة علم وفن واسلوب متنوع له كذا طريقة وكذا فرع عشان كدة لازم تبقى ملم بيهم وكمان لازم تبقى متابع التغيرات المحاسبية.

كورس اساسيات المحاسبة المالية

اللغة

من اولها كدة الإنجليزي بتاعك لازم تظبطه وتشوفلك كورسات تسمع أغاني اجنبي تذاكر مع نفسك وطبعا لازم تبقى عارف جميع مصطلحات المحاسبة بالإنجليزي، ظبط كام كتاب او قاموس إنجليزي عشان تعرف اية المصطلحات بالإنجليزي.

القاموس المحاسبي الناطق

الكمبيوتر

 المقصود انك تعرف فى الكمبيوتر، يعنى الويندوز، يعنى الاوفيس، يعنى قطع الجهاز ,يعنى تعرف تستخدم الكمبيوتر والاستخدام المحاسبي خاصة خد ICDL وكده لكن تركز على البرامج اللى هتفيدك فى المحاسبة ... Excel QuickBooks - - Peach Tree Tally

المهارات

الشغل دلوقتى محتاج مهارات ، وأكثر مهارتين مطلوبين هما: مهارات الاتصال ومهارات التفاوض ....

أكيد انت نفسك محتاج مهارات خاصة مافيش قدامك غير يا اما تاخد كورسات فى المهارات Soft Skills او تقعد تقرا فى النت فى مقالات كتير اوى عن الحاجات دى.

التدريب العملى

روح ارمى نفسك فى أي شركة او مكتب محاسبة حتى لو بدوام جزئى او مرتب بسيط ، بدل ما تجيلك شغلانة تبهدلك ، روح الى اللى انت عايزه وانت رايحة برجليك وعارف انت رايحة ليه ، مكاتب المحاسبة فى البلد كتير ، ابتدى دور حوليك فى المنطقة وظبط نفسك.

الاطلاع

يجب ان تكون محاسب مطلع على كل ماهو جديد فى عالم المحاسبة من قانون الدخل وقانون ضرائب المبيعات والضرائب العامة وكيفية التعامل معهم ومواعيد تقديم الأقرارات الضريبية وقانون التأمينات الإجتماعية ...  

السيرة الذاتية

قم بإعداد سيرة ذاتية محترمة بالإنجليزي عنك وعن تعليمك ومهاراتك وخبراتك وشهاداتك وهكذا.

المقال ده هيساعدك: كيفية كتابة السيرةالذاتية

نموذج سيرة ذاتية باللغة الانجليزية WORD

Share This:

No Comment to " كيف تكون محاسب ناجح "